唔係嗎原來咁易

The Road to CFA

http://cfa-jacky.blogspot.com/

http://hk.myblog.yahoo.com/cfa-jacky

上帝又出招啦！（上帝是我老闆個老闆，地位超然。年紀輕輕約四十出頭，已經是區長，掌管全香港最賺錢的地區。）一個電郵送到我老頂電腦入面，意思大約是：今個月的數慢了很多（不過好似都係全港第一），說我們坐天時地利人和，所以數是做極都唔會夠的。因此要加多點力，除了辭職了同事外，今個星期每個死sell屎都要開一張保險單。（我地是小銀行，人流好差，客不多。唔同渣ｘ，恆ｘ及匯ｘ，客多到做唔完，要一日一張先算數。）第一個未睇完，第二個電郵又來。大意又話驚我們不明其意，所以會星期尾落行看看我地有沒有做足。 其實我心諗是不是咁講就做得到呢？如果是的話就真是，唔係嗎原來咁易．．．

一個星期話交就交，一係好彩，二係好運，三係可憐；可憐是因為我想他們是自己找荷苞。

說起自己出錢買單為交數，我想起早前有間分行有個未過到試用的同事收到老闆通知，若然開唔到十五萬單你就係咁先的警告。試用同事為保工作，叫自己姐姐買了單。一星期後，老闆又同佢講，０唔岩數喎！這單是屋企人的單唔計數，你係咁先。這樣個同事就先左啦．．．可能你又會覺得．．．唔係嗎原來咁易．．．

唉．．．真係好無意思的工作．．．

雷曼事件裏銀行是千古罪人，高層是黑手等言論不無道理。好似今日咁我本來可以開八十萬掛鈎數，可是見到個客咁慘又咁驚，個市沒有咩方向唔係好就，我都唔好意思迫佢做。咪又係同事那句，唔係個客死，就係我地死。今次我死實．．．今個星期乜數都沒有．．唉．．．！！

好心．．．咪死實囉～！！

The Road to CFA

http://cfa-jacky.blogspot.com/

http://hk.myblog.yahoo.com/cfa-jacky