意義

站在地鐵站等人，心想應該善用時做啲野。諗起好耐沒有寫野，就攞起部iPad開個blogger App出嚟噤下。開左個post，停左十五秒... ... 發覺要突然間寫啲野，原來唔係咁易。腦中空白一片。

在日常生活，我地勞勞碌碌咁過日子。但係我地對自己的生活和工作已經無咩感覺。突然覺得咁樣過日子就算幾忙或幾閒都係無咩意義。有CEO談人生的意義，說人生的意義就是找出那「意義」。之前聽到無咩感覺，但係今日又覺得好有道理。如果人生盲目地走，有過和沒過其實無咩分別。如果可以找出當日那一點點意義，那不怕一點點就算活過。可以𢭃老婆開心，可以扶阿婆過馬路，可以見吓好耐無見的朋友... .... 只要有一點點不一樣，世界其實就有點不一樣，生活和人生的意義就一點點累積起來。

你今日又作了什麼？