加息迷思

早排中國央行收緊銀根，澳洲央行即停止加息，股市也受到影響。美國這頭又加discount window，全球股市又大震。可見中美兩國在全球的影響力不言而喻。話回話來，美國加息是否真的對經濟做成衰退?教科書話係，現實眼見就唔係。我係2005年出來做野，係美國的加息週期開始。一加就加到金融海嘯前，都可以算做我出來做野以最好景的時光。而進入減息期至零利息，可以話係我出來做野以來最黑暗的時期。加息會慢經濟增長的道理是正確，但問題現實是否在同樣假設呢?教科書認為先加息後減慢增長，因為投資者成本增加，會減少佢地的投資。好simple的demand and supply。但實際世界會係，先增長後加息，因為政府希望延長個增長cycle，即係降溫，所謂的軟著陸等等。因此，實際上加息是代表好環境。反之美國唔多ok的時間，FED的伯伯當然有咁快得咁快減到去零息，希望班炒友借錢炒番起個市。

講番近日加discount window其實是像徵式試試市場反應，又或者係暗示會係不久的未來加息。首先,美國無錢的銀行都執得八八九九。死唔去的都應是大銀行，經FED救完之後有錢又唔借出去，唔借出去又放係度唔知仲乜。(我估，未有去求証B/S) 過了危險時期，discount window可算是可有好無，根本沒有咩舉足輕重的地位。

所以點睇，就算唔買貨，都唔洗沽。我個人意見，如果真係加息的話，好快快買貨。