前文提要

好幾年沒寫過 Blog 啦，對上一篇已經是 2018 年，其實都有很大的轉變。

2017 年我離開咗B銀行，讀咗一年半嘅碩士課程，之後再返回B銀行工作。在這公司這幾年工作，其實話順利都算順利，但話好順利又唔算。當中最大嘅分別係我已經去到一個 Senior Sales RM 嘅位置，再上就屬於一個管理嘅職位，初階管理層，即係分行經理。去到呢啲職位始終係非常難嘅，應該話係位置比較少。唔同於以前，如果你係 Sales 嘅話，隨時都可以一路上，由初級、中級、高級。只不過做嘅嘢一樣，只不過可能管理嘅客戶會多啲，或者啲比較難處理嘅客戶會大啲，要求又多啲；但去到管理階層可能完全唔同。

所以去到而家呢個高級客戶經理嘅職位，停留咗幾年都冇升過職，人工亦都加得唔多，當然賺嘅錢係多咗都幾多，因為客戶大咗、跑嘅數多咗、分嘅錢亦都多咗，係一個進步。

補充返，呢幾年除咗工作之外，我嘅生活重心都唔一樣。之前可能想讀大學、希望轉職、希望離開銀行界、離開銷售，想轉去啲技術研究相關，例如金融科技嗰邊。最終唔成功，但問題唔重要。即係想轉職去其他地方，但唔成功，但問題都唔緊要。面對現實，返返嚟銀行工作亦都發覺，其實自己做嘅工作係……雖然有時覺得自己唔係做得好理想，但係人眼中我做得都唔差。至少我係有機會，至少就算你話老細呃我，話可以升職做管理層，但至少都係覺得我有用先係咪？如果唔係都唔需要講啲咁嘅說話。

我記得兩年前聽老細咁講，話可以做分行經理，但兩年後仍然都係一個高級嘅客戶經理。但係人嘅諗法又唔同啦。實務上覺得如果升做分行經理，人工變相可能仲低添，但做嗰個工種又唔同，有新體驗。我係會想做嘅，係個關卡嚟嘅。

頭先提到生活重心改變就係話，我過往成日唔滿於現狀，各樣情況。但而家始終係開始更加面對現實，把目標重心可能有段時間轉移去健身、健美嗰啲運動，考個教練牌。有段時間一個禮拜訓練三四次，而家亦開始減少。唔係唔中意做，而係覺得時間唔夠之餘，同時發覺做得多效果又唔係好好。所以改變呢樣嘢又發現到，開始去諗其他目標同規劃。

譬如我自己做咗多年後經理，幫人做理財，自己都有做。但因為礙於嗰陣時成日都諗住可能會轉工，唔知幾時轉工、幾時要走？要還 mortgage，好多風險管理上要拎好多 cash，變相投資一直都唔係好大，可能成個 portfolio 都係 cash。我先去做轉工嗰啲準備。但如果我唔轉工，其實就唔使考慮公司嗰個職員按揭點樣還。所以我就把之前留落嚟好大筆 cash 都掉入去股票市場。

其實股票市場一路穩得幾好。我明嘅，其實賺到是運氣，但好市同時亦都可以有人輸錢。咁我都叫做跟到個市行，贏少少，我覺得已經好滿足。我而家比自己嘅目標係每個月1%，基本上依家幾年市旺都係超標。呢個係我希望嘅狀態，而家把興趣重心轉移去投資。所以之後個 post 我會寫多啲關於投資嘅嘢。

同埋可能你會見到寫作風格有唔同，因為我而家會用人工智能。我唔係叫人工智能幫我寫，而係把語音稿讀俾佢聽，然後你幫我整理返個原原本本原汁原味嘅靚仔版。但唔代表係 AI 整出嚟，全部都係我自己嘅文筆。所以我都會繼續寫，特別係見到幾年冇寫，又望返當中其實因為我寫嘅嘢係放咗喺另一度。唔係冇寫 Blog、冇寫文，而係寫咗去另一個日記 App 入面。

不過又發覺而家 ChatGPT 可以將成個網站一次過做返整合，我又覺得幾好。我幾中意數據，作為 INTJ 又中意數據研究，所以我可能會用返 Blog post。始終都無所謂，都冇人睇，我咪當日記又好咩都好。亦都唔牽涉任何個人資料，你都唔會知我係邊個。

大致上而家會寫多啲投資類型嘅嘢，作為將來嘅參考。究竟自己以為好勁，十年後二十年後再睇係咪真係勁？有可能好似我以前寫過投資嗰啲，啲報紙講乜就信乜，又唔係錯，但係體會唔夠深、唔夠闊，某程度只係表面。往後個發展係咪真係會咁樣落去？宏觀去睇，整個 cycle 如果能夠抽離去睇、去部署，有一定心理準備。

如果我二十年前有今日嘅智慧，我基本上十年就可以財務自由，穩好多錢。因為嗰陣負擔細，開始細，唔同而家。你依家剩嘅錢多，對我嚟講算係一個新開始。大概就係咁，下回見。